--------------------------------------------------------------------------------
اليووووووم جبت لك اسئلة ترفع الضغط ..
وودك تتوطين في بطن اللي يسالك
مثــلا :-
أنت بغرفتك منسدح بالسرير ومطفي النور ومتلحف بالبطانيه >>> أحيه يالبرد . . .
يجي أحد أخوانك ويفتح الباب عليك ويقول :- بتنام ! ! !
(( لا أبرقص ,, أكيد أبنام ))
أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتــوا العزيمـه "
(( لا عند الاشاره))
والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,
يجي أحد من أهلك وينادي بصوت عالي >>> بتطلع ! ! !
(( لا اجرب الباب هو زين ولالا))
أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز , ,
أنت بكل ذوق تفتح القزازه وتقوله :- آمر يالحبيب ؟
يقولك :-بتمشي با السياره ! ! !
(( لا أبفحط وأسوي خمسات . . . . أكيد أنا ماشي ))
البنت مثلا أنتي بالكليه وقمتي من الطاولة عقب ألف سالفه وسلافه يتخللها الحش والضحك
والفرفشه ورحتي عند الباب تلبسين عبايتك . . .
تجي وحده ملقوفه من البنات وتقولك : - فلانه بتروحين البيت ! ! !
(( لا ابرفس بطنك أكيد أبروح لـبـيـتـنـا من زين الكليه جالسه في استاربوكس ونا مدري ))
مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !
((لا بصور معه كم صوور تذكاريه , , أكيد أبكلم ))
مثلا :- ماسك دفتر أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !
(( لا أفرش اسناني , , , أيه أذاكر ))
أو مثلا تتسبح بالمسبح بالإستراحه يجي واحد من أصدقائك يمر عليك ويقول :- فلان تسبح ! ! !
(( لا ادغدغ سمكه)) <<لوووووووول طفشان وبقوه
ولا تعالــو شوفو قنواتنا وأسئلتهم البايخة:
مثلا بالعيد جايـيـن يقابلون مع الناس شوفو حوارتهم :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- وش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا منه المال ومنها العيال))
والأسخف من هالبديهيات اللي تضيع وقتنا إذا قابلو مع بزارينا , , ,
يقول المذيع للبزر :- أنت تحب ماما وبابا ! ! !
(( لا احبك))
المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !
(( لاابي اعايدك وانام اقول وراكـ ماتلايط بس , , , أكيد أبعايدهم ))
&&&& لا تحرموني من ردودكم &&&&
mms