ســلام يـالـلـي عـلـيـه الـدمــع مسـفـوحـي*** طـول غيـابـه وحــال الـيـاس مــن دونــه
خبري بـه العـام يـوم الوصـل مسموحـي*** يـــوم الـهــوى سـنـتـه لـلـنـاس مسـنـونـه
واليـوم عنـي وزيـن الــروح مطـروحـي*** حسبـي عـلـى الـلـي عـلـى بـابـه يـردونـه
لـيـلـة فـراقــه بعـيـنـي عـيــت تــروحــي*** دايـم عـلـى الـبـال تخـطـر دمـعـة عيـونـه
هـو نـور عينـي حبيبـي هـو بعـد روحـي*** وشلـون ابقـضـي حيـاتـي سـالـي بـدونـه
لـي قلـت ابنسـاه احـس بنزعـة الـروحـي*** وان جــيــت ابـلـقــاه عــيــو لا يـخـلـونـه
يفوح صدري على شوف الغضى فوحي*** نـار الـهـوى تشتـعـل بالـجـوف مكنـونـه
بـاقـي عـلـى الــود لـونـي فـيـه مذبـوحـي*** لا خــان عـهـدي وانــا والله مــا أخـونــه
اللي بقالي مع الايام وفيته ...
والضيق لو ينهمر تشربه ودياني ...
ماهي كبيرة علٌي والحزن غنيته ....
ولاهي غريبة إذا وقتي تحداني ...
الخوف .. يامن نبشت القلب وادميته ...
لاعشت زهرة شبابك وانت وحداني ...
كم جرح خذته من الأحباب ضميته ...
وجروح قلبي زكاة الحب خلاني...
مطعون.؟؟ عادي ..جفا الأقراب داويته ...
تعبان.؟؟ مبطي .. ردى هالحظ خاواني ...
صدمة.؟؟ بسيطة .. هوان الحال مريته ...
مقرود.؟؟ أدري .. واذا الحرمان عداني ...
ما فاح هم لك الله ما تقهويته ...
مـامر حزن بغيري ماتبلاني ...
ياما وياما من الخذلان .. عديته ...
إلا لصاحب .. بعد العشره تناساني ...
أزريت لأنسى غيابه لين ناديته ...
والموت لامن تجاهلني وجافاني ...
وينه يجيني وكل عتاب كنيته ...
ياليت يدري بعد فرقاه وش جاني ...
من كنت طفل وأنا أرجاه في بيته ...
شيبت .. وأثره على هالحال خلاني ...
حتى جناح العتب لرضاه ذليته ...
ما طرت بعده فرح من ذل جنحاني ...
ياقلب صبرك ترى كل شي سويته ...
ما كان أفضل من اللي كان بإمكاني ...
لو بي قوه على الهجران ؟ خليته ...
لوبي ذره من النكران ؟ يفدانــي ...
الجرح أرحم .. إذا يرجع من أغليته ...
مجروح ؟ فدوه ولكن صعب وحداني
mms
