رواية غصب عني ..كاملهـ (2)

قلنا: خل نقعد ام طلال لاتصير مصيبه ونتورط ونقعدها ونقولها
المهم جات وجلست في الصاله وترقد
قالت: اذا سمعتو الصوت مره ثانيه قعدوني وننتظر الصوت مره ثانيه ننتظر ننتظرلكن ماعاد سمعناه
قلت: خلى نلعب على ام طلال شوي ونصيح بصوت عالي ونروح نركض وتنط ام طلال من على الكنب من الجهه الخلفيه وطيح وتقعد تصرخ وتحبي تحبي ماعاد قدرت توقف من الخوف ونجي احنى
قالت: وش فيه
قلت: الباب قبل شوي تبطل وتسكر وتقعد على الكنب وهي تتئلم من يدها شوي الاوعمي ناصر جاي
قال: رقدو طلال في المستشفى
وتقوله ام طلال السالفه كلها ويوديها للمستشفى الساعه 4 ويقعدون الخبلان اللي عندي يحسسوني بذنب
قالو: اكيد يدها انكسرت
قلت :من زود الرقه عند ها
قالت شيخوه :الكنبه عالي الرتفاعها تقريباً متر وشوي قلت احسن ليت يجيها شلل رباعي و بعدين انا مرتاحه نفسياً وسعيده للغايه مكيفه على اخر لاحد يزعجني بالمثاليه الزايده والمهم صارت الساعه6 رجعوو يد
ام طلال مجبصه وهي تحلطم انا معزومه عندي عرس وشلون باروح كيف اتحرك وكيف الرقص وشلون شكلي (استغفر الله كنه رجلها المكسوره موب يدها)
قال: عمي قعدي الشغاله تسوي لنا حليب والروح لشغاله ماحصلتها
قلت: نازل عليها الوحي قاعده بدري والدورها في غرفتها في دورة المياه في المطبخ في الحوش في البيت كله لكن مافيه امل والروح لعمي ناصر
واقوله ويدورها معنا المهم ساعتين وحنا ندور لكن للأسف مافيه امل وعمي كان معصب حده لانه بطبعه عصبي ويقعد يصارخ علينا انتو مهاوشينها وانتو مخربين وانتو مخربين وانتو وانتو في الاخير
قال: يالله جيبو نصور خل نروح لبيتي وراحت ندوي تقعد نصور وتجي تركض
تقول: مالقت نصور ولقت رساله مكتوبه بلهندي ويقعد عمي يصارخ ويقول اكيد الشغاله خذته معها وندوي تبكي وانا( كان ببكي لكن مالي نفس لا لقيناه بكيت من الفرحه) . و شيخوه كانت تبكي من الخوف من عمي وعمي كان واقف ويصارخ ويصارخ وجلس عمي بكل ماعنده من قوه اول ماجلس نط نطه اتحدى ابو الكنغر ينطها قويه حيل وراح يركض صوب الباب ويديه على مؤخرته وام طلال ورها
تقول: وشفيك وشفيك ونلحقهم واحنى متقطعين من الضحك على شكل عمي
ونقول: الله كبير ويدخلون دورات المياه اللي في الحوش ونفكر وش السالفه واستنتج اني كنت حاطه ابره لأم طلال واخذها عمي( بنيابه صدق انه وفي) ونقعد ربع ساعه ويطلعون قلنا عمي سلمات وشفيك
ويناظرنا نظرات اعرفها ويروح
قالت :ام طلال انه كان يرجع لأنه تعبان من البر
قلت: واضح حتى يديه كانت على ثمه وهو يركض
قالت: هاه
قلت: ولاشي
ونروح بيت عمي وراحت ام طلال جابت خداماتهاودريولها من عند اهلها .
المهم صارت الساعه 9 وحنا ننتظر عمي يجيب لنا خبرعن الخدامه ونصور وكلمت ام طلال عمي وسئلته قال :ان الخدامه طالبه خمس مئه الف ريال قبل المغرب ولاانسو نصور ونه كلم ابوي وكلهم جايين في الطريق .انا تورط وش اقول لهلي وياويلي من امي يارب وش اسوي اللوم كله بيجي علي ولا الدبه ماعليها شرهه والخبله الثانيه ياربي وش اسوي ولاكيف التصرف قلت لازم يصير فيني شي عشان اكسر خواطهم ولا احد يقولي شي شلون اتصرف يشفطني كهرب اخاف اموت
اجل اطيح مع الدرج اخاف التكسر واصير معاقه
انحاش من البيت اخاف اصير مشرده
انط من الصطح يمكن اموت
ياربي وش السوي
الوقت يمر واهلي قربو وش اسوي
خلاص لقيتها بنخش وين وين وين ياربي ايه بنخش في بيت جدي ولانيب قايله للغبياء اللي عند ي لأنهم بيقولون بعد احنى بننخش لكن بيت جدي اكيد اول بيت بيدوروني فيه
اجل بنخش في بيت واحد من عماني وين وين وين ياربي ايه بنخش هني لارقدو البنات رحت اسوي بروفات على المخش الجديد المهم الساعه 9ونص
قالت: ام طلال ان عمي
يقول :الرقدو لأنه خلاص قدر يحدد مكان الشغاله وانشاء الله بيصيده
تعالو فوق الرقدو في قسم الضيوف واذا قعتو من النوم دقولي يمكن اكون راقده دقو للخدامه نانا عشان طلال ممكن يطلع بعد المغرب ممكن موب اكيد اذا كان موجود تقولكم ماتطلعون
والحين يالله تعالو نروح نرقد وبعدين رقتهم كلهم وتئكدت ان ام طلال راقده رحت اتمشى في البيت وابحث عن مخبى واحصل عندهم غرف واجد اف ماعندهم الاطلال وكل ذا الغرف عندهم وعندهم جم ومكتب شكله مكتب عمي باروح اشوف يمكن يصلح لي مخش
وادخل المكتب كبير وحلو وادخل في اول درج
قلت: بقعد فيه شوي اجرب واناقاعده حصلت صندوق صغير شكله حلو شوي الا وصوت واناماحب الاصوات ويقول: خلاص لاتهتم بادبر الفلوس كلها واذا ماكفت باخذ من عند طلال ولايهمك وبنتك لاجيت حاسبها على كيفك يمه صوت عمي اكيد يكلم ابوي ياويلي شوي
بدا عمي يبطل الدروج كنه مضيع شي ويبطل عمي الدرج اللي انا فيه ويجيه اتصال ويسكره بسرعه ولاشافني ويخليه مفتوح شوي ويدور في الدروج وهو مستعجل ويكلم
قلت: خلى اطلع قبل يمسكني بلجرم المشهود واراقبه لين دخل في غرفه صغيره في المكتب واطلع بسرعه وادخل اول غرفه قدامي واسكرها واف يمه الصندوق معي يووه نسيته معي اللحين شسوي ياربي واطالع عمي لين طلع من المكتب ويجي صوب الغرفه اللي انا فيها ياويلي وين الروح ياربي وادخل تحت السرير ويدخل عمي ويقعد يتعبث في الدروج واطيح منه ربطة فلوس على الارض ويدنق ياخذها
قلت: يمه عساه مايشوفني شوي يطلع عمي واطلع وراه الاوالشغالات جايين ياليل وش اسوي واركب على كبت مال السرير يعني لابق فيه من عند راس السرير وانبطح وصندوقي معي ويدخلون الشغالات يقعدون يرتبون وهم يرتبون بطلت الصندوق القى اوراق مزارع والقى عقد زواج لكن موب زواج عمي من ام طلال زواجه من لولوه ياويلي يعني عمي متتزوج على ام طلال من23 سنه احسن اصلن كيف يقدر يتحمل ها المعقده مالت عليها واسكر الصندوق واحطه شوي ويدخل عمي وياطلال جعل طلال المرض
ذا وقت يطلع فيه( والخبله امه تقول بيطلع بعد المغرب ) ياربي وش اسوي ويرقد طلال على السرير واتورط انا المهم طال اليوم والاخ مارقد ابي اطلع وهو قاعد يكلم شوي فرنسي وشوي لغه ماعرفها الساعه صارت 11طول ونانعسانه واغط شوي واظرب الصندوق لاطايح على راس طلال ويقعد يتئلم وانا خايفه مووت لايشوفني ياربي شسوي ؟؟؟
المهم بطل الصندوق وقعد يقرا الاوراق شوي قال لا لا لا كيف ماصدق ليه يايبه ليه يارب ويقعد يبكي ياي شكله حلو وهو يبكي كنه بنيه
المهم الرومنسي قعد يبكي ويتألم المهم غفيت شوي ولاشعورياًواناراقده طحت على طلال على صدره وكعب رجلي جافي وجهه اعتقد ضرب في خشمه واقوم واطلع بسرعه وهو
يصيح ويقول: يمه يبه ويصيح والروح انا للقسم ونخش في فراشي المهم شوي واسمع صوت عمي يقول وشفيك وصوت طلال يتألم ويوديه عمي للمستشفى ويجي الساعه 2 واناقاعده على اعصابي واسمع صوت عمي يهاوش الخدامات وصراخ مدري شي يصير يارب عسا طلال مافطس كنت قاعده ونعسانه حدي يارب وش اسوي ابي اعرف شيصير برا شوي وتدخل ام طلال تتئكد انا راقدين وتطلع المهم انا ماقدرت اقاوم النوم ورقدت وقمت ا لساعه 12في الليل حصلت كلشي هدوء والبنات مو هنى مافيه الاانا بروحي طلعت الصاله مافي احد يمه وشصار
قلت: لايكون طلال ودع ومسوين عزا في بيت جدي وبعدين تذكرت اهلي وينهم الروح للبيت اخاف ابوي هناك ويلعن خيري ياربي وش اسوي
قلت: خل اتأكد ان طلال حي واروح لغرفته واسمع صوته وياعمي يتكلمون
عمي يقول: هاذي حياتي وانا حرفيها
وطلال يقول: شلون تخدع امي وصراخ وصراخ واظاهر عمي ضرب طلال كف وطلع عمي لقاني عند الباب
قال: من متى وانتي هناه هاه وشكل عمي متورط حده
قلت: ليه انت وش قلت هاه تلخبط
و قال: هه ااااا تعالي معي للمكتب
قلت: اوكي ونروح للمكتب قال وش سمعتي بضبط
قلت: ربع كلامكم وانا اسفه ماكان قصدي قال خلاص اناباقولس سر وامانه احفضيه تكفين تراني اثق فيس
قلت: في( نفسي غصب عنك تثق فيني)
المهم قال: ام طلال ماتقدر تجيب غيره وتزوجت بسر قامت الخدامه الحقيره كانت سارقه الصندوق اللي فيه لوراق على بالها ان فيه فلوس وكانت في غرفت طلال تدري فيها فلوس ويوم دخل طلال فجئه وهي في الغرفه تورطت وانخشت فوق السرير وموب قصدها طرحت الصندوق وكشفني طلال ثم طاحت فوق طلال الحقيره وكسرت 2 من ضلوعه والحين قاعد يحاسبني وضربته يوم رفع صوته علي واخاف انه يعلم امه وتكفين خلي كلامي ذاه سر يابنتي
قلت : انشاء الله سرك في بير ولايهمك وطلال ماله شغل يدخل في حياتك وهاذي حياتك وانت حرفيها واعطيه من ذا الكلام وفي الاخير
قلت: تكفا ياعمي توسط لي عند ابوي
قال :انتي اخطيتي ولازم تتحاسبين على اخطائس وخطائس موب هينه انا اسف
قلت: كن سرك لقى سلم ويناظرني نظرات اعرفها
قال :موب قايلس ابوس شي تطمني
قلت: الحمد الله الحين طمني لقيتو نصور
قال: ايه سوينا للخدامه كمين ومسكناها وهلس جاو واظنهم رقدو
قلت: الروح انا في امان
قال: روحي ورحت لبيتنا لقيت اهلي كلهم رقود والبيت هدوء دورت ندوي لقيتها في غرفتنا قاعده تبكي تقول امي وابوي مهاوشينها
قالت: ياويلس منهم المهم
قلت: بما اني طفشانه باروح اسوي تورته لأن اهلي جاو ارقع رحت للمطبخ حصلت قطوه عندها اسهال شكلها حلو لكن مخيسه ريحتها خايسه واطالع لا المطبخ كله خايس عاملتها فيه وانادي ندوي
قلت: خل نطلعها برا شافتها ندوي
قالت: شكله يكسر الخاط بعالجها وتروح تلبس قفازات واول ماجات تمسكها وانا كنت واقفه وراها نطت على راس ندوي ووصخت راس ندوي يااااااع. ثم نطت على صدري ومشخت خدي وطقت واخذ عصا بروش وادز وراها لين ضيعتها في الحوش والروح لغرفتي احط لزقات وندوي راحت تسبح بعد مخلفات القطوه اللي على راسها وارجع اسوي الترته
قلت: بسوي ترته بلفراوله واسويهاواحطها في الفرن جيت اسوي الخلطه حقت وجه التروته مالقيت فراوله ياربي شسوي؟؟؟؟ البقاله مسكره بيوت اعمامي اكيد فاضيه لنهم كانو في البر وين بحصل فراوله ولقيتها اكيد في بيت عمي ابو طلال اكيد ام طلال شرت اليوم الصبح والروح وقدني في الحوش
قلت: خل اكلم لايكون طلال الحين قاعد واتصل عليهم ويرد طلال
قلت :عندكم فراوله
قاله: هاه هلحزه من انتي
قلت: انا اااااا( قلت في نفسي لا قول انا ليلى بيهاوشني ) قلت: انا مها بنت عمك نايف
قال: والله مدري بس يمكن فيه الشغالات راقدين وانا ماقدر الروح الشوف
قلت: سلامات ليه عسا ماشر
قال: هه ااااا لا بس مريض شوي تعالي اخذي مافيه احد قدامس
قلت: اوكي ورحت
اول ماطلعت لقيت القطوه الخايسه عند بيت جدي رحت خذيت العصاو رحتلها شوي شوي بس شافتني وتدخل بيت جدي وادخل وراها وتدخل مني وتطلع مني وانا وراها من مكان لا مكان لين صارت الساعه 3ونص واناورها والله ماخليها وتطلع فوق الخايسه واطلع وراها وتنخش ورا الكنب الي في الصاله واحاول اطلعها وحاول ماقدرت وجيب حليب واحطه واقعد الراقبها شوي وتطلع تشرب واول ماجيتها طقت قلت: بسوي لها كمين واجيب كل الحبال مالت الستاير واسوي لها حباله على الدرج على طول والربطها في الدرج واحط الحليب على الدرج واخليها
قلت: برجعلها بعدين والروح لبيت عمي ناصر ابو طلال والروح للمطبخ ولا لقيت عندهم فراوله واخذ تفاح و الروح وانافي الحوش و لقي القطوه الخايسه عند باب الحديقه واخذ المقشه واضربها بكل ماعندي من قوه واضربها لا قايله مياااااااااااااااولا اسنان المقشه مقطعه بطنها ثم ودعت الحياه والرتحت نفسياً بس قرفت من منظرها كان يقرف دم وقرف المهم خذت التفاح واناراجعه سمع صوت في بيت جدي ورحت اشوف وتوني في الطريق شفت عمي جاسم شال جدتي وهي مغمى عليها ومسرع
قلت: شفيها
قال: طاحت من الدرج وراح
قلت: باجيب عبايتي والروح معك والروح لبيتنا والقا المطبخ يشب يمه وش اسوي يا ربي وشوي والقا ابوي جايب هوز الماء ويطفي النار وريموه قاعده تبكي ويانصور وتجي الاسعاف والمطافي قلت شسالفه وين ندوي قالو: اختنقت وراحت امي معها وتذكرت اني نسيت التُرته في الفرن ياويلي لايدرون
المهم ويرقدون ندوي في المستشفى
قال: ابوي شغلس موب الحين ياكبيره وناظرني نظره صرتو تعرفونها باروح الرقد الحين لأني تعبان ورجعو يرقدون الساعه 7 الصبح
قلت: باروح لبيت جدي انخش عندهم لقيتهم قاعدين يدورون من الي رابط حبال الستاير
قلت: ليه
قال :عمي وليد ان فيه احد جعله المرض وجعله الصرطان وجعهله وجعله رابط حبل لين طاحت امي وانكسرت رجلها وهاذيك موب طيبه
قلت: يا ليل وين الروح ياربي شسوي؟؟؟ لايدرون ذبحوني ورحت للبيت حصلت الخبله ريموه تبكي خايفه على ندوي
قلت: مافيها الا العافيه بلا اختناق
قلت: لها امي وابوي زعلانين علي
قالت: ياويلس من ابوي بيلعن خيرس وامي كانت عادي لين
قالها: نصور انه راح مع الخدامه عشان تعالجه من الطرم لأنس قايله له انه اطرم
قلت: لعنة ورطه ها وش اسوي ياربي غصب عني اللي صار المهم سئلتها شسويتو في البر
قالت: برقد الحين ولاقعت قلت لس
قلت: اوكي ويوم قدها بترقد
قالت: تكفين بطلب منس طلب
قلت: خير
قالت: صديق خالد واجهه في البر وعطاه قطوه
قال خلها عندك لين ارجع لأنها تعبانه وهوخايف عليها من البرد والحين القطوه في المخزن عطيها حليب مع شوي من الدواء للي جنب سلتها وهي كانت تتكلم وانا كنت من صدمه واقول في خاطري ياليل يابربي شسوي قالت: زين
قلت: اوكي ياربي شسوي كان غصب عني.والحين لازم يصير لي شي قبل يقوم ابوي يارب شسوي صارت الساعه 11 وناحيرانه وش اسوي ؟؟؟؟؟؟؟
ابي ارقد موب قادره اواجه الموقف وارتاح احسن لي بس ياربي وش اسوي لازم اشوف حل قبل يقعد ابوي يا ليته انا اللي في المستشفى ياليتني الروح لخوالي باروح لندوي في المستشفى بس ابي احد يروح معي واتصل في مهوي بنت عمي نايف واقولها تروح معي لندوي
قالت: اوكي تعالي ورحت لها
وقلت: لها المشاكل اللي انا فيها
قالت: اذا لقيت لس حل تنفذين اوامري لمدة 3 ايام
قلت: اوكي جعلها المرض مصلح جيه
قالت: اتصلي على امس شوفي كم رقم الغرفه وراحت تجيب عصير واتصل ولا احد يرد وتجيب مهوي العصير قلت: محد يرد
قالت :احسن
قلت: ليه
قالت :اشربي العصير بسرعه وذوقي عمايل اديا وحيات عنيا واخلص العصيروطعمه يجيب المرض( جعل يديها تكسر)
المهم واحنا في الحوش حسيت بدوخه واحس اني مااقدر اوقف وافقد توازني واطيح ويغمى علي واول مابطلت عيوني لقيت نفسي في.......... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
اذا تبون تعرفون

ليش اغمى علي ؟؟؟؟
وين صحيت فيه؟؟؟؟؟
ويش بيسوون فيني اهلي ؟؟؟؟؟
وياترابستر على عمي ناصر ولا السر بيلقى له سلم ؟؟؟
ويش نظره طلال لي بعد اللي صار؟؟؟
××××××
اذا تبون تعرفون ابي ردودكم وانتقاداتكم واللي مافهمتوه في القصه
ابي تشجيعكم هاذي اول روايه لي وابي ارائكم وتوقعاتكم
وفي الخير انا بشر اخطي واصيب..
×××××××
ودمتم بود..